పోతారం గ్రామంలో సీసీ రోడ్ల నిర్మాణ పనులు ప్రారంభం

తరిగొప్పుల, 13 November

గ్రామ అభివృద్దే లక్ష్యం సర్పంచ్ సుంకు అంజయ్య

మండలంలోని పోతారం గ్రామంలో వీబీజీ జీ రామ్జీ పథకం కింద సీసీ రోడ్ల నిర్మాణ పనులను సర్పంచ్ సుంకు అంజయ్య ప్రారంభించారు. గ్రామంలో రహదారి సౌకర్యాలను మెరుగుపరిచేందుకే ఈ పనులు చేపట్టినట్లు తెలిపారు. సీసీ రోడ్ల నిర్మాణంతో గ్రామ ప్రజలకు రవాణా సౌకర్యం మెరుగుపడటంతో పాటు, వర్షాకాలంలో ఎదురయ్యే ఇబ్బందులు కూడా తగ్గనున్నాయి. ఈ సందర్భంగా సర్పంచ్ సుంకు అంజయ్య మాట్లాడుతూ...గ్రామ అభివృద్ధికి ప్రాధాన్యతనిస్తూ ప్రజలకు అవసరమైన మౌలిక సదుపాయాల కల్పనకు కృషి చేస్తానని తెలిపారు. ప్రభుత్వ పథకాలను సద్వినియోగం చేసుకుంటూ గ్రామాన్ని అభివృద్ధి పథంలో ముందుకు తీసుకెళ్తామని ఆయన అన్నారు. ఈ కార్యక్రమంలో ఉపసర్పంచ్ బెజ్జం భవాని, వార్డు సభ్యులు, గ్రామ పంచాయతీ కార్యదర్శి తిరుమల్ రెడ్డి, ఫీల్డ్ అసిస్టెంట్ రాజు, గ్రామ పెద్దలు, ప్రజాప్రతినిధులు, గ్రామస్తులు పాల్గొన్నారు.