జనగామ, 19.07.2026
జనగామ జిల్లా యంత్రాంగంలో కలెక్టర్ నిధులకు సంబంధించి రూ.37.85 లక్షల ప్రజాధనం అపహరణ జరిగినట్లు వెలుగులోకి వచ్చింది. ఈ వ్యవహారంలో ముగ్గురు ఉద్యోగుల నిర్లక్ష్యం, నిధుల దుర్వినియోగంపై శాఖాపర విచారణ ప్రారంభించి, వారిని సస్పెండ్ చేశారు. ఈ ఘటనపై క్రిమినల్ కేసు నమోదు చేసి పోలీసు విచారణకు ఆదేశించారు.
జిల్లా యంత్రాంగం చేపట్టిన అంతర్గత తనిఖీలు, ఆర్థిక పరిశీలన కమిటీ నివేదిక (15.07.2026) ఆధారంగా ట్రెజరీ/పీఎఫ్ఎంఎస్ ఖాతాలకు సంబంధించిన ఒక ప్రత్యేక బ్యాంకు ఖాతాలో ఉన్న రూ.37,85,050 ప్రజాధనం అపహరణ జరిగినట్లు వెలుగులోకి వచ్చింది. ఈ ఘటనలో సంబంధిత ఉద్యోగుల నిర్లక్ష్యం, విధుల నిర్వహణలో లోపాలు, ఆర్థిక నియమావళి ఉల్లంఘనలు గుర్తించబడడంతో ముగ్గురు ఉద్యోగులను సస్పెండ్ చేస్తూ, శాఖాపర చర్యలు ప్రారంభించారు. అదేవిధంగా క్రిమినల్ కేసు నమోదు చేసి పోలీసు విచారణకు ఆదేశాలు జారీ చేశారు.
ఈ ఘటనకు బాధ్యులైన ముగ్గురు ఉద్యోగులను సస్పెండ్ చేసి శాఖాపర విచారణ ప్రారంభించారు. జిల్లా యంత్రాంగం ఫిర్యాదు మేరకు 18.07.2026న జనగామ టౌన్ పోలీస్ స్టేషన్లో క్రైమ్ నం. 387/2026గా కేసు నమోదు చేశారు. భారతీయ న్యాయ సంహిత–2023 మరియు ఐటీ చట్టం–2000లోని సంబంధిత సెక్షన్ల కింద దర్యాప్తు కొనసాగుతోంది.
ట్రెజరీ వ్యవస్థలో ఉన్న లోపాలను సరిదిద్దేందుకు ప్రత్యేక చర్యలు చేపట్టడంతో పాటు, భవిష్యత్తులో ఇలాంటి ఘటనలు పునరావృతం కాకుండా నియంత్రణ చర్యలను అమలు చేస్తున్నారు. ప్రాథమిక విచారణలో "దిక్షా-సి" పథకానికి సంబంధించిన సుమారు రూ.46.50 లక్షల నిధుల నిర్వహణలో కూడా అవకతవకలు ఉన్నట్లు అనుమానాలు వ్యక్తమయ్యాయి. ఈ అంశంపై కూడా సమగ్ర విచారణ కొనసాగుతోంది.
ప్రజాధనానికి ఎలాంటి నష్టం జరగకుండా బాధ్యుల నుంచి మొత్తం మొత్తాన్ని తిరిగి వసూలు చేసే చర్యలు చేపడతామని జిల్లా యంత్రాంగం తెలిపింది. "ప్రజాధనంలో ప్రతి పైసాకు పూర్తి బాధ్యత వహిస్తాం. బాధ్యులు ఎవరైనా, ఏ స్థాయిలో ఉన్నా చట్టపరమైన చర్యలు తప్పవు." అని జిల్లా యంత్రాంగం స్పష్టం చేసింది. ఈ ఘటనకు సంబంధించి పూర్తి దర్యాప్తు అనంతరం మరిన్ని వివరాలు వెల్లడిస్తామని, ప్రజలకు పారదర్శకంగా సమాచారం అందిస్తామని అధికారులు తెలిపారు.
