జనగామ జిల్లా మండలం మల్లన్నగండి రిజర్వాయర్లో ఆదివారం సాయంత్రం, స్నేహితులతో కలిసి విహారయాత్రకు వచ్చిన ఓ సాఫ్ట్వేర్ ఉద్యోగి నీటిలో గల్లంతయ్యాడు. సికింద్రాబాద్ నుంచి వచ్చిన ఏడుగురు స్నేహితుల్లో ఒకరైన పడాల కల్యాణ్ ప్రమాదవశాత్తు నీటిలో పడి గల్లంతయ్యాడు. ఈ ఘటనతో వారి విహారయాత్ర విషాదకరంగా మారింది.
సికింద్రాబాద్ నుంచి ఏడుగురు స్నేహితులతో కలిసి వరంగల్లోని చారిత్రక ప్రదేశాలు చూసేందుకు వచ్చిన వారిలో పడాల కల్యాణ్ అనే సాఫ్ట్వేర్ ఉద్యోగి, ప్రమాదవశాత్తు నీటిలో పడి గల్లంతయ్యాడు. సరదాగా గడిపేందుకు వచ్చిన వారిలో ఒకరు గల్లంతవడంతో వారి విహారయాత్ర విషాదకరమైంది.
భద్రతా చర్యలపై ఆందోళన
గత రెండు నెలల్లో ఈ రిజర్వాయర్లో నీటిలో మునిగి ముగ్గురు యువకులు మృతి చెందారు. రిజర్వాయర్ ప్రమాదకర ప్రదేశంలో ఎటువంటి హెచ్చరిక బోర్డులు, తగిన భద్రతా చర్యలు చేపట్టకపోవడంతోనే ఇలాంటి సంఘటనలు చోటుచేసుకుంటున్నాయని స్థానికులు, పర్యాటకులు ఆందోళన వ్యక్తం చేస్తున్నారు. మరో కుటుంబం విషాదంలోకి వెళ్లకుండా ప్రభుత్వం తగిన రక్షణ చర్యలు తీసుకోవాలని ప్రజలు కోరుతున్నారు.
గాలింపు చర్యలు
కల్యాణ్ ఆచూకీ కోసం స్టేషన్ ఘన్పూర్ అగ్నిమాపక శాఖ అధికారులు గాలింపు చర్యలు చేపడుతున్నారు. ఇప్పటి వరకు ఎలాంటి ఆచూకీ లభ్యం కాలేదు.
