రాయచోటిలో వినాయక మండపం వద్ద ఘర్షణ: అన్నదానం చేసిన వ్యక్తిపై దాడి - ఓరుగల్లు న్యూస్

జిల్లా, రాయచోటి పట్టణంలోని సంజీవనగర్ కాలనీలో ఏర్పాటు చేసిన వినాయక విగ్రహం వద్ద ఘర్షణ చోటుచేసుకుంది. వినాయకుడి వద్ద అన్నదానం జరిపించిన వ్యక్తిపై కొందరు వ్యక్తులు అమానుషంగా దాడికి పాల్పడినట్లు సమాచారం.

స్థానికుల కథనం ప్రకారం, మోక్షిత్ రెడ్డి గ్యాంగ్, పాత రాయచోటికి చెందిన మస్తాన్ మరియు మరికొందరు కలిసి ఈ దాడికి పాల్పడ్డారని ఆరోపణలు వినిపిస్తున్నాయి. ఈ దాడిలో బాధితుడు తీవ్రంగా గాయపడ్డాడు. వెంటనే స్థానికులు అతన్ని రాయచోటి ప్రభుత్వ ఏరియా ఆసుపత్రికి తరలించగా, అక్కడ చికిత్స పొందుతున్నాడు.

ప్రజల ఆవేదన

గత కొంతకాలంగా వీరి ఆగడాలు రోజురోజుకు మితిమీరుతున్నాయని, దీంతో రాయచోటి పట్టణ ప్రజలు భయభ్రాంతులకు గురవుతున్నారని స్థానికులు ఆవేదన వ్యక్తం చేస్తున్నారు. ఇలాంటి అసాంఘిక కార్యకలాపాలకు పాల్పడుతున్న వారిపై జిల్లా పోలీసు ఉన్నతాధికారులు కఠిన చర్యలు తీసుకోవాలని ప్రజలు కోరుతున్నారు.

ఘటనపై సమాచారం అందుకున్న పోలీసులు రంగంలోకి దిగారు. బాధితుడి ఫిర్యాదు మేరకు కేసు నమోదు చేసి దర్యాప్తు చేపట్టారు.