నర్మెట్ట, 23.07.2026
జనగామ జిల్లా నర్మెట్ట మండల వ్యవసాయ అధికారి బుర్ర మమత, ఏ.ఈ.ఓ శ్రీ జగదీష్తో కలిసి నర్మెట్టలోని ఎం.ఎస్.ఆర్ ఫెర్టిలైజర్స్, పెస్టిసైడ్స్ మరియు విత్తనాల దుకాణాన్ని ఆకస్మికంగా సందర్శించారు. ఈ సందర్భంగా దుకాణంలోని బిల్ పుస్తకాలు, స్టాక్ రిజిస్టర్లను ఆమె క్షుణ్ణంగా పరిశీలించారు.
జనగామ జిల్లా, నర్మెట్ట మండల వ్యవసాయ అధికారి బుర్ర మమత ఈరోజు నర్మెట్ట క్లస్టర్ ఏ.ఈ.ఓ శ్రీ జగదీష్తో కలిసి నర్మెట్టలోని ఎం.ఎస్.ఆర్ ఫెర్టిలైజర్స్, పెస్టిసైడ్స్ మరియు విత్తనాల దుకాణాన్ని ఆకస్మికంగా సందర్శించారు.
ఈ సందర్భంగా ఆమె దుకాణంలోని బిల్ పుస్తకాలు, స్టాక్ రిజిస్టర్లను పరిశీలించారు. రైతులకు విక్రయించిన ఎరువులు, పురుగుమందులు మరియు విత్తనాలకు సంబంధించిన రికార్డులను క్షుణ్ణంగా తనిఖీ చేశారు.
తనిఖీలో భాగంగా వ్యవసాయ అధికారి ఈ క్రింది సూచనలు జారీ చేశారు: బిల్ పుస్తకాలలో రైతు సంతకం తప్పనిసరి అని, ఎటువంటి పరిస్థితుల్లోనూ రైతు సంతకం లేకుండా బిల్లు ఇవ్వరాదని తెలిపారు. రిజిస్టర్లను వెంటనే అప్డేట్ చేయాలని, రోజువారీ అమ్మకాలు, స్టాక్ వివరాలను సకాలంలో నమోదు చేయాలని సూచించారు. ప్రభుత్వ నిబంధనలకు అనుగుణంగా ధరల జాబితాను దుకాణంలో ప్రదర్శించాలని, నాణ్యత లేని మరియు గడువు ముగిసిన వస్తువులు విక్రయించరాదని ఆదేశించారు.
రైతులకు సకాలంలో నాణ్యమైన ఎరువులు, విత్తనాలు అందేలా చూడటం ప్రభుత్వ ప్రధాన ఉద్దేశ్యమని, నిబంధనల ఉల్లంఘన జరిగితే కఠిన చర్యలు తీసుకుంటామని మండల వ్యవసాయ అధికారి స్పష్టం చేశారు.
