రాయల్ ఎన్ఫీల్డ్ హిమాలయన్ 750 ఆవిష్కరణ: ఓరుగల్లు న్యూస్ లో నవంబర్ చివర్లో భారత్లో విడుదల

హిమాలయన్ 750 లో కొత్త 750 సీసీ సమాంతర ట్విన్ సిలిండర్ ఇంజిన్ ను ఉపయోగించారు. దీనికి ఆరు గేర్ల గేర్బాక్స్ ఉండనున్నట్లు సమాచారం. ఇంజిన్ సామర్థ్యం, శక్తి, టార్క్ కు సంబంధించిన పూర్తి వివరాలను కంపెనీ ఇంకా అధికారికంగా వెల్లడించలేదు. ప్రస్తుత అంచనాల ప్రకారం ఈ ఇంజిన్ 55 హెచ్పీకి పైగా శక్తిని, 60 న్యూటన్ మీటర్లకు పైగా టార్క్ ను అందించవచ్చని ఆటోమొబైల్ నివేదికలు పేర్కొంటున్నాయి.

కొత్త ఫీచర్లు

ఈ బైక్ లో ప్రయాణికుల సౌకర్యం, భద్రతకు ప్రాధాన్యం ఇచ్చారు. క్రూయిజ్ కంట్రోల్, ట్రాక్షన్ కంట్రోల్, టైర్ ప్రెజర్ మానిటరింగ్ సిస్టమ్ (టీపీఎంఎస్) వంటి సదుపాయాలు ఉన్నాయి. ముందు సస్పెన్షన్ లో సర్దుబాటు చేసుకునే అవకాశం కల్పించారు. వెనుక సస్పెన్షన్ లోనూ అవసరానికి అనుగుణంగా మార్పులు చేసుకోవచ్చు.

ముందువైపు రెండు డిస్క్ బ్రేకులు, ఎత్తును మార్చుకునే హెడ్ ల్యాంప్, సర్దుబాటు చేసుకునే విండ్ స్క్రీన్ వంటి అంశాలు ప్రత్యేక ఆకర్షణగా నిలవనున్నాయి. అలాయ్ వీల్స్ తో పాటు ట్యూబ్ లెస్ టైర్లు అమర్చుకునే వీలున్న క్రాస్-స్పోక్ వీల్స్ ఎంపికలు కూడా ఉండనున్నాయి.

రంగులు మరియు వేరియంట్లు

హిమాలయన్ 750 ను ఐదు రంగుల్లో తీసుకొచ్చే అవకాశం ఉంది. టెక్టోనిక్ బ్లాక్, అజ్టెక్ గ్రీన్, సైబీరియా వైట్, వైకింగ్ బ్రాంజ్, అంటార్కిటిక్ సిల్వర్ రంగులు కనిపిస్తున్నాయి. కొన్ని రంగుల మోడళ్లలో అదనపు టూరింగ్ ఉపకరణాలు, ట్యూబ్ లెస్ స్పోక్ వీల్స్ ఉండనున్నట్లు చిత్రాలను బట్టి తెలుస్తోంది. అయితే వేరియంట్ల వివరాలను కంపెనీ ఇంకా పూర్తిగా వెల్లడించలేదు.

ధర అంచనా

భారత్ లో ఈ బైక్ ఎక్స్ షోరూమ్ ధర రూ.4.5 లక్షల నుంచి రూ.5 లక్షల మధ్య ఉండవచ్చని అంచనా. అధికారిక ధరను కంపెనీ ప్రకటించాల్సి ఉంది. నుంచి ఇటలీలోని మిలాన్ లో జరిగే ఈఐసీఎంఏ 2026 ప్రదర్శనలో పూర్తి సాంకేతిక వివరాలు వెల్లడయ్యే అవకాశం ఉంది. అనంతరం నవంబర్ చివర్లో గోవాలో జరిగే మోటోవర్స్ లో భారత మార్కెట్ విడుదలపై స్పష్టత రానుంది.

మొత్తంగా, ఎక్కువ దూరం ప్రయాణాలు చేయడంతో పాటు అడ్వెంచర్ రైడింగ్ ను ఇష్టపడే వారికి హిమాలయన్ 750 కొత్త ఎంపికగా నిలవనుంది.