89 ఏళ్ల నాటి విమానయాన నిబంధనలకు స్వస్తి.. కేంద్రం కొత్త చట్టం అమలు

విమానయాన రంగంలో సాంకేతిక మార్పులు, భద్రతా అవసరాలు, ప్రయాణికుల హక్కులను దృష్టిలో పెట్టుకుని ఈ కొత్త నియంత్రణ వ్యవస్థను రూపొందించారు. విమానాల రిజిస్ట్రేషన్, తయారీ, భద్రతా ధ్రువీకరణ, నిర్వహణ, విమాన కార్యకలాపాలు, సిబ్బంది లైసెన్సింగ్, విమానాశ్రయాల నిర్వహణ వంటి అంశాలు ఇందులో ఉన్నాయి.

టికెట్ ధరల్లో పారదర్శకత

కొత్త నిబంధనల్లో ముఖ్యమైన అంశం విమాన టికెట్ల ధరల వెల్లడికి సంబంధించినది. షెడ్యూల్డ్ విమాన సర్వీసులు నడిపే సంస్థలు నిర్వహణ వ్యయం తదితర అంశాలను పరిగణనలోకి తీసుకుని టికెట్ ధరలను నిర్ణయించాలి. ఈ ధరల వివరాలను పౌర విమానయాన డైరెక్టరేట్ జనరల్ ()కు సమర్పించాలి.

అంతేకాకుండా, విమానయాన సంస్థలు తమ అధికారిక వెబ్సైట్లు, డిజిటల్ ప్లాట్ఫామ్లలో టికెట్ ధరలను స్పష్టంగా వెల్లడించాల్సి ఉంటుంది. ప్రయాణికులు టికెట్ బుక్ చేసుకునే సమయంలో మొత్తం చెల్లించాల్సిన మొత్తంతో పాటు పన్నులు, ఇతర ఛార్జీలు, రద్దు నిబంధనలు, రీఫండ్ వివరాలు తెలుసుకునేలా పారదర్శకతకు ప్రాధాన్యం ఇచ్చారు.

కేంద్రం జోక్యం

విమాన టికెట్ల ధరల విషయంలో అసాధారణ పరిస్థితులు ఏర్పడి, ప్రజా ప్రయోజనాల దృష్ట్యా జోక్యం అవసరమని కేంద్రం భావిస్తే, సంబంధిత విమానయాన సంస్థలకు లిఖితపూర్వక ఆదేశాలు జారీ చేసే అధికారం కూడా కొత్త నిబంధనల్లో ఉంది. ధరలపై పర్యవేక్షణ కొనసాగుతుంది.

భద్రతకు సమగ్ర నిబంధనలు

కొత్త నియమాలు కేవలం టికెట్ ధరలకే పరిమితం కావు. విమానాల తయారీ, నిర్వహణ, ఎయిర్వర్థినెస్ ధ్రువీకరణ, పైలట్లు మరియు ఇతర సిబ్బంది లైసెన్సులు, విమానాశ్రయాల నిర్వహణ వంటి విస్తృత అంశాలను కవర్ చేస్తాయి.

ఈ మార్పులతో భారత విమానయాన రంగానికి ఆధునిక నియంత్రణ వ్యవస్థ అందుబాటులోకి రానుంది. అయితే కొత్త నిబంధనలు వెంటనే అమల్లోకి రావు. 26 నుంచి మాత్రమే అమలవుతాయి.

భారత ప్రభుత్వం 89 ఏళ్ల నాటి విమానయాన నిబంధనలను రద్దు చేసి, జనవరి 2026 నుంచి భారతీయ వాయుయాన్ నియమ్2026ను అమల్లోకి తెచ్చింది. ఈ కొత్త నిబంధనలు విమానాల రిజిస్ట్రేషన్, నిర్వహణ, టికెట్ ధరల పారదర్శకత వంటి అంశాలను కవర్ చేస్తాయి.